Version: 1.3

படிப்படியாக மன்னித்தல்.

From 4training
Jump to: navigation, search
Other languages:
Afrikaans • ‎Albanian • ‎Arabic • ‎Azerbaijani • ‎Brazilian Portuguese • ‎Central Kurdish • ‎Chinese • ‎Czech • ‎Dutch • ‎English • ‎French • ‎German • ‎Hindi • ‎Indonesian • ‎Italian • ‎Kannada • ‎Korean • ‎Kyrgyz • ‎Malayalam • ‎Persian • ‎Polish • ‎Romanian • ‎Russian • ‎Spanish • ‎Swedish • ‎Tamil • ‎Telugu • ‎Thai • ‎Tigrinya • ‎Turkish • ‎Turkish (secular) • ‎Uzbek • ‎Uzbek (Cyrillic script) • ‎Vietnamese • ‎Xhosa
More information about Tamil

நாங்கள் அனைவரும் மற்றவரகளிடமிருந்து சுயநலமற்ற தூய்மையான அன்பும் பாசமும் நிறைந்த ஆழ்ந்த மற்றும் அன்பான உறவுகளுக்காக ஏங்குகிறோம், ஆனால் துரதிர்ஷ்டவசமாக நாம் அனைவரும் மற்றவர்களால் துன்புறுத்தப்பட்டிருக்கலாம்,அதிலும் மேலாக துஷ்பிரயோகமும் செய்யப்பட்டிருக்கலாம். இவைகள் எல்லாம் வேதனைக்குரியவைகளாகும், இதனால் நாம் அவதிப்படுகின்றோம்.சில வேளைகளில் நம் உடலில் ஏற்படும் காயங்களின் வலி நம்மை ஒரு நோயாளியாக ஆக்குவதுமட்டுமன்றி,நமது உடல் நலத்தையும் படுமோசமான நிலைக்கு மாற்றிவிடும். இவைகளிலிருந்து நாம் மீண்டுவர உடனடியாகச் செயல்படாவிடின் நமது இதயத்தில் இக்காயங்களும்,வேதனைகளும் கசப்பாக வளரக்கூடும்.இவைகளை நாம் நேரம் காலத்தால் மட்டும் குணப்படுத்தி விடமுடியாது
இவைகளுக்கு நாம் எதிர் நீச்சல் போட்டு,இவைகளிலிருந்து மீண்டு வர அடிக்கடி பாதுகாப்பான சுவர்களைக் கட்டுகின்றோம். இதன் விளைவாக, நாங்கள் யாரையும் நம்மை நெருங்கி வர அனுமதிப்பதுமில்லை, இதனால் நாம் தனிமைப்படுத்தப்படுகின்றோம், மாறாக, நாம் அவர்கள் மீதும் கோபம் கொள்கின்றோம். இதனால் நாம் மற்றவர்கள் மீது குறைகள்,தவறுகளைச் சுமத்துவதுமட்டுமல்லாது,அவர்களைப் பழி வாங்கவேண்டுமென்றும் எண்ணுகின்றோம். இத்தகைய நமது எண்ணங்களும், மற்றவர்கள் நமக்கு ஏற்படுத்திய காயங்களும் இதனை மேலும் அதிகரிக்கச் செய்கின்றன.
நாம் மேலே சொல்லப்பட்ட உபாயங்கள் அல்லது, உத்திகளைப் பயன்படுத்துவதன் மூலம் மேலும் துஷ்பிரயோகத்திலிருந்து நம்மைப் பாதுகாத்துக்கொள்ள முயற்சிக்கின்றோம். ஆனால் இறுதியில் ,நம்மையே நாம் காயப்படுத்த்திக் கொள்கின்றோம் .மேலும் நாம் காயப்பட்டவர்களாக இருப்பதால் மற்றவர்களை அன்போடு உபசரிப்பதுமில்லை, நன்றாக நடத்துவதுமில்லை.- காயமடைந்தவர்கள் மற்றவர்களைக் காயப்படுத்துகின்றனர்.

இந்த தீய வட்டச் சுழற்சியிலிருந்து மீண்டு வர நமக்கு ‘மன்னிப்பு’ மட்டுமே துணையாகும். ஆனால் குறிப்பிடத்தக்க கணிசமான வலியினை நாம் அனுபவித்திருந்ததால் இது மிகவும் கடினமாகவே இருக்கும்.இருப்பினும்,கடந்த காலங்களில் நம்மைக் காயப்படுத்தியவர்களை நாம் மன்னிக்காதவரை, நாம் காயப்படுத்தியவர்களுக்கும்,55 கடந்த காலங்களுக்குமே மீண்டும் கட்டுப்படுகின்றோம். இது ஏனென்றால், வலி மிகுந்த அனுபவங்களை நாம் மறக்க முடிவதில்லை.,நினைவுகளை மட்டுமே வெளிப்படுத்த முயற்சிக்கின்றோம். ஆனால், கர்த்தர்(ஆண்டவர்) நம்மைச் சுதந்திரமாக இருக்கவே விரும்புகின்றார். அவர் விருப்பம் என்னவெனில் நம்மைக் கசப்பிலிருந்து விடுவிப்பதும். பழிவாங்கும் எண்ணத்திலிருந்து விடுவிப்பதும் மட்டுமல்லாது, கடந்த கால வேதனைகளிலிருந்தும், வலிகளிலிருந்தும் விடுவிப்பதாகும்.

மன்னிப்பு என்றால் என்ன?

மன்னிப்பு என்பது மற்றவர்களுக்கு எதிரான அனைத்து அவதூறுகளையும், குற்றச்சாட்டுகளையும் மறந்து விடுதலாகும். நான் அவரை அல்லது அவளை ஆண்டவனின் (கர்த்தரின்) கரங்களில் ஒப்படைக்கின்றேன் .தீர்ப்பை நானே நிறைவேற்றுவதை விடுத்து, நியாயமான நீதிபதியாக இருக்கும் ஆண்டவனை (கர்த்தரை) நான் நம்புகின்றேன்.மற்றவருக்கு என்ன நடக்குமென்பதை அவரே தீர்மானிக்கட்டும். இதன் பொருள் என்னவெனில் மற்றவர்கள், எனக்குச் செய்த பாவங்களுக்கு நான் இனிமேல் அவருக்கெதிராக ஒன்றும் செய்யமாட்டேன், அல்லது அவர் அல்லது அவள் மீது வெறுப்பு,கோபம்,பகைமை எதுவும் வைத்திருக்க மாட்டேன் என்பதாகும். வேறு வார்த்தைகளில் கூறுவதாயின் நான் ஏற்கனவே மற்றைவர்களின் பாவங்களின் விளைவுகளுடன் வாழ்ந்து வருகின்றேன், கடந்த காலத்தை மாற்றவும் முடியாது என எண்ணி நான் இப்போது இதைச் சமாதானப்படுத்துகின்றேன், மற்றவர்களை எனக்கு எதிரான அனைத்துக் கடன்களிலிருந்தும் விடுவிக்கின்றேன்.
இது எனது தனிப்பட்ட முடிவு அல்லது தீர்மானம் மட்டுமே. அவர் அல்லது அவள் வருந்துகிறார்களா அல்லது அவர் அல்லது அவள் முன் வைக்கின்றார்களா இல்லையா என்பது மற்றவர்களிடமிருந்து முற்றிலும் சுதந்திரமானது. எங்களைக் காயப்படுத்திய நபரை நாங்கள் சார்ந்தோ, அல்லது தங்கியோ இருக்கவில்லை .
மன்னித்தல் மற்றவர்களுக்கு நல்லது என்றாலும்,அதனிலும் மேலான முதன்மையானதாக நான் இதனை என் சொந்த நலனுக்காகச் செய்கின்றேன். நாம் மன்னிக்கும் வேளை பாவம், கோபம், அல்லது கசப்பு, வெறுப்பு போன்ற எதிர்மறைவான உணர்வுகளிலிருந்தும் விடுபட்டு, பின்னர் குணமடைந்து மீண்டும் முழுமையடையலாம்.

மன்னிக்கும் படிகள்.

சில நேரங்களில் நாம் அவசரமாக மன்னிப்பைப் பற்றிப் பேசும் பொழுது குறுக்கு வழிகளைப் பயன்படுத்துகின்றோம். ஆனால் பின்னர் நம் இதயத்தில் வலியின் எச்சங்கள் இருப்பதை உணர்கின்றோம். எனவே, நாம் மற்றவர்களை எவ்வாறு முழுமையாக மன்னிக்க முடியும்? மன்னிப்பை அளிப்பதற்குப் பின்வரும் படிநிலைகள் நமக்கு உதவுகின்றன.

நாம் முதல் மூன்று படிமுறைகளையும் கவனமாகவும் விருப்பமாயின் முன்னுரிமையுடன் ஓர் உதவியாளருடன் சேர்ந்து செய்யலாம்.

1.என்ன நடந்த்து?

  • என்ன நடந்தது என்பதைக் குறிப்பாக விபரிக்கவும்.
  • பொதுவான தவறுகள்: இவை பற்றி நாங்கள் பொதுவான மற்றும் தெளிவற்ற நிலையில் இருக்கின்றோம்.

2.எவை என்னைக் காயப்படுத்தின? நான் எப்படி அவற்றை உணர்ந்தேன்.

  • உணர்வுகள் முக்கியமானது. மற்றும் நாம் யார் என்பதும் ஒரு முக்கிய அம்சமாகும்..
  • பொதுவான தவறுகள்: நாங்கள் இந்தப் படிநிலைகளைத் தவிர்த்து, உண்மையுடன் ஒட்டிக்கொள்கின்றோம்

3.பாவத்திற்குப் பெயரிடுங்கள்

  • தவறுகளை மென்மையாக்காதீர்கள், அத்தோடு நியாயப்படுத்தவும் வேண்டாம். அவர் செய்த அல்லது செய்யாத காரியங்களின் மூலம் மற்றவர்கள் எனக்கு எதிராக எவ்வாறு பாவம் செய்தார்கள் என்பதை அடையாளம் காணவும்.
  • பொதுவான தவறுகள்: நாங்கள் மற்றவர்களை நியாயப்படுத்துகின்றோம்.(ஆனால் இதனைப் பாவம் என்று சொல்லாவிடில் மன்னிப்பு இருக்கமுடியாது..)

இப்பொழுது நாம் ஜெபத்திற்குள் சென்று எல்லாவற்றையும் கர்த்தரிடம் (ஆண்டவனிடம்) ஒப்படைப்போம்.

4.அநீதி, குற்றச்சாட்டுக்களை கர்த்தரிடம்(ஆண்டவரிடம்) கொண்டு வாருங்கள்.

  • நாங்கள் நீதிபதியான கர்த்தரிடம் (ஆண்டவரிடம்) சென்று நம்மைக் காயப்படுத்திய நபர்களுக்கு எதிராக குற்றச் சாட்டை முன் வைக்கின்றோம். நாங்கள் எங்கள் இதயத்தை கர்த்தரிடம் (ஆண்டவரிடம்) ஊற்றி, முதல் மூன்று படிகளிலிருந்தும் எல்லா முக்கிய விடயங்களையும் அவரிடம் சொல்கின்றோம்..
  • பொதுவான தவறுகள்: நாங்கள் இந்தப் படிநிலைகளைத் தவிர்க்கின்றோம், அல்லது நமது உணர்ச்சிகளை (உணர்வுகள்) கர்த்தரிடம் (ஆண்டவரிடம்)இருந்தும் மறைக்கின்றோம்..

5.“மன்னிப்பு” பற்றிப் பேசுவோம்..

  • இப்பொழுது, நாங்கள் மன்னிப்புப் பற்றிப் பேசுகின்றோம்..(நான்.......................இதற்காக....................மன்னிக்கின்றேன்..).

மற்றும், முழு வழக்கையும் ஆண்டவரின் கையில் ஒப்படைக்க முடிவு எடுங்கள்.

  • பொதுவான தவறுகள்: அந்த நபருக்கு என்ன செய்ய வேண்டும் என்று நாங்கள் கடவுளிடம் (ஆண்டவரிடம்) கூறுகின்றோம்.( நாங்கள் மற்றவர்களைச் சபிக்கின்றோம்.) அல்லது நாங்கள் மன்னிக்க விரும்புகின்றோம் என்று கூறுவோம்..கர்த்தரே, (ஆண்டவரே, மன்னிக்க எனக்கு உதவுங்கள்..) ஆனால் உண்மையில் முடிவெடுக்க வேண்டாம்.

(நாம் முடிவு எடுப்பதுமில்லை.)

கர்த்தரிடம் அநீதி குற்றச் சாட்டுக்களைக் கொண்டு வருதல்.

கர்த்தர் தான் நீதிபதி. ஒவ்வொரு அநீதியையும் அவரிடம் கொண்டு வர எங்களுக்கு உரிமையுண்டு. அவர் நீதியைக் கொண்டு வருவார், அனைவருக்கும் தீர்ப்பளிப்பார், என்பதில் நாம் உறுதியாக இருக்க முடியும். (அது எங்கள் வேலையும் அல்ல.) நமக்கு அநீதி செய்தவர்களுக்கு, நாமும் அவ்வாறு அவர்களுக்கு அநீதியை மீண்டும் செய்யவோ, பழிவாங்கவோ எங்களுக்கு உரிமை இல்லை.
இந்த பூமிப் பந்தில்(உலகில்) நாம் ஒரு நீதிபதியிடம் குற்றச் சாட்டுக்களைக் கொண்டு செல்வது போலவே, நாமும் கர்த்தரிடம் எல்லாக குற்றச்சாட்டுகளையும் கொண்டு வர முடியும். அவரைப் புண்படுத்த நாம் பயப்படத் தேவை இல்லை. ஆனால், நாம் முற்றிலும் நேர்மையாக இருக்க முடியும். நம்முடைய எல்லா உணர்வுகளையும் காட்டமுடியும். நாங்கள் இவற்றை எல்லாம் செய்து முடித்ததும், குற்றச் சாட்டுக்களையும் விடுத்து, இவை எல்லாவற்றையும் கர்த்தரின் கையில் ஒப்படைக்கின்றோம். நாங்கள், மற்றவர்களுக்கு தொடர்ந்தும் தீர்ப்பு அளிப்பதில்லை, ஆனால் தீர்ப்பளிப்பதைக் கர்த்தரிடம் மட்டுமே விட்டு விடுகின்றோம்.

மேலும் குறிப்புக்கள்.

உதவியாளரின் உதவியைப் (ஆதரவை) பயன்படுத்துதல்: மன்னிக்கும் இந்தச் செயல் முறைகளையும், அதன் சில அம்சங்களையும் கவனம் செலுத்தாமல் தனிமையாகச் செல்வது கடினமாகும்..உம்மோடு சேர்ந்து இந்த செயல் படிமுறைகளைக் கடந்து செல்லக்கூடியவரும், மற்றும்,உம்மோடு சேர்ந்து ஜெபம் செய்யக் கூடியவருமான ஒருவரை உமக்கு உதவியாளராகத் தெரிந்து எடுக்கவும். எங்களது சொந்தப் பாவங்கள்: பொரும்பாலும், நாம் காயப்படும் வேளை தற்செயலாகவே மற்றவர்களை மோசமாக நடத்துகின்றோம், அவர்களுக்கு எதிராகப் பாவமும் செய்கின்றோம். இந்த விடயங்களைப் புறக்கணிக்காமல்,மனம் திரும்பி மன்னிப்புக் கேட்பது முக்கியமாகும் உங்கள் மனதில் வரும் எந்தவொரு விடயத்தையும் கூடிய விரைவில் இங்கே தெளிவுபடுத்துங்கள். தன்னைத்தானே மன்னித்தல்:( என்னை மன்னிக்கின்றேன்:) சில நேரங்களில் நாம் நம்மீது கோபப்படுகின்றோம், அல்லது குற்றம் சுமத்துகின்றோம் (சாட்டுகின்றோம்) கடவுள், இயேசு கிறிஸ்து மூலம் நம்மை மன்னிக்கவும், தூய்மைப்படுத்தவும் ஒரு வழியை வழங்குகின்றார். என்னை மன்னிப்பது என்பது அவருடைய வாய்ப்புக்களை (சலுகைகள்) எடுத்து எனக்குத் தானே பயன்படுத்துவதாகும்.. கர்த்தரை மன்னியுங்கள்: சில நேரங்களில் நாம் கர்த்தரைப் பற்றி எதிர்மறையான எண்ணங்களைக் கொண்டிருக்கின்றோம், அல்லது அவரைப் பற்றி வெறித்தனமாகவும் இருக்கின்றோம். கர்த்தர் தவறு செய்வதில்லை, எனவே இந்த அர்த்தத்தில் நாம் அவரை மன்னிக்க முடியாது. ஆனால் அவரைப் பற்றிய நமது விரக்தியையும், எதிர்மறையான உணர்வுகளையும், நாம் விட்டு விடுவது முக்கியமாகும் மன்னிப்புடன் ஒட்டிக்கொள்ளுதல்: பழைய உணர்வுகள் மீண்டும் வந்தால்,நீங்கள் ஏற்கனவே மன்னிக்கும் படிமுறைகளைத் தேர்ந்தெடுத்துள்ளீர்கள் என்பதை நினைவு கொள்ள, அந்த உணர்வுகள் கடந்து போய்விடும். இருப்பினும், அவைகள், நீங்கள் முதலில் கவனம் செலுத்தப்படாத அல்லது பேசப்படாத பிற அம்சங்கள் அல்லது ஆழமான காயங்களாகவும் இருக்கலாம். எனவே, மன்னிக்கும் செயல் படிமுறைகளுக்கு நாம் மீண்டும் ஒருமுறை செல்லலாம், இதனால் இந்தப் பகுதிகளும் குணமாகும்.

என்னை தானே ஆராய்வது:

கர்த்தரிடம் பின்வரும் கேள்விகளைக் கேட்க இரண்டு நிமிடங்கள் எடுப்பதோடு அதனைக் குறிப்பும் எடுத்துக்கொள்ளுங்கள்.

கர்த்தரே, நான் யாரை மன்னிக்க வேண்டும்?
கர்த்தரே, நான் யாரை மன்னிக்க வேண்டும்? கர்த்தரைக் கேட்டு உங்கள் உறவின் வழியாகச் செல்லுங்கள்.( குடும்பம், உறவினர்கள், நண்பர்கள், அயலவர்கள், சகாக்கள், வகுப்புத் தோழர்கள், ஆசிரியர்கள், தலைவர்கள், நீங்கள், நாங்கள், கர்த்தர்.......) நான் எப்படிக் காயமடைந்தேன்? யாரால் காயமடைந்தேன்?

ஒரு குறிப்பிட்ட நபருடனான உறவு ஆரோக்கியமானதா அல்லது இன்னும் ஏதோவொரு வகையில் அல்லது வழியில் முறிந்து விட்டதா என்பதைக் கண்டு பிடிப்பதற்கான குறிப்புக்கள்: •நபரைப் பற்றிச் சிந்தியுங்கள்: நீங்கள் அவருக்கு அல்லது அவளுக்கு முழு மனதுடன் வாழ்த்துக் கூறமுடியுமா? •நீங்கள் தெருவில் வரும் பொழுது அந்த நபரைச் சந்திப்பதாகக் கற்பனை செய்து பாருங்கள். நீங்கள் எப்படி உணருவீர்கள்? நீங்கள் அவர் மீது கோபம் அல்லது காழ்ப்புணர்ச்சி கொண்டிருப்பீர்களா?

பயிற்சி.

என்னை எந்த வலி காயப்படுத்தியதோ அதனை நான் முதலில் கவனம் செலுத்த வேண்டும் அல்லது பேசும் பொருளாக எடுத்துக் கொள்ள வேண்டும்.
இதில் யார் என்னை ஆதரிக்க வேண்டும்? நீங்கள் எவ்வாறு தொடருவீர்கள்? என்பவற்றைக் குறிப்பாகத் தெளிவுபடுத்துங்கள்