Version: 1.1

ஜெபம் பண்ணுதல். (பிரார்த்தனை செய்தல்)

From 4training
Jump to: navigation, search
Other languages:
Albanian • ‎Arabic • ‎Brazilian Portuguese • ‎Dutch • ‎English • ‎French • ‎German • ‎Hindi • ‎Indonesian • ‎Italian • ‎Korean • ‎Kyrgyz • ‎Malayalam • ‎Polish • ‎Spanish • ‎Tamil • ‎Turkish • ‎Turkish (secular)
More information about Tamil

நாம் ஏன் ஜெபம் பண்ணவேண்டும்?

ஜெபம் என்பதன் பொருள்: கர்த்தரோடு பேசுவதாகும். இது நமது ஆன்மீக ( ஆவிக்குரிய) வாழ்க்கைக்குரிய சுவாசித்தலை( மூச்சு) ஒத்ததாகும். கர்த்தர் உன் மேல் ஆர்வம்,அக்கறை கொண்டுள்ளதோடு, உம்மோடு உறவு கொள்ளவும் விரும்புகிறார். இது போலவே மற்றவர்களோடும் நாம் உறவு கொண்டு இருக்க வேண்டும். நாம் ஒருவருக்கொருவர் நேர்மையாகக் கதைக்கும் பொழுது, நமது உறவு ஆழமானதாகவும், செறிந்ததாகவும் ஏற்படும்.

மத்தேயூ.6:5-13

ஜெபத்தைப் பற்றி நாம் இங்கே என்ன கற்றுக்கொள்கிறோம்?


ஆறு வகையான ஜெபங்கள்

கர்த்தரைத் துதித்தல்.(புகழுதல்)
கடவுளுக்காக அவரை வணங்குங்கள்.(சங்கீதம் 34:2)
நன்றி கூறுதல்
கர்த்தர் நம் மேல் கொண்டுள்ள கருணைக்காகவும், அவர் நமது பாதுகாவலராக இருப்பதற்காகவும், அவருக்கு நன்றி சொல்லுவோம்.

(1 தெசலோனிக்கேயர் 5:18)

அழுது புலம்பல்.
உமது வாதைகளையும், முறைப்பாடுகளையும் கர்த்தருக்கு வெளிப்படுத்தி அழுது புலம்புதல்.

(சங்கீதம் – 13: 1-3)

பாவங்களை ஒப்புக்கொடுத்தல்.
நமது பாவங்களை மன்னிக்கும்படி கர்த்தரை வேண்டுதல். (1 யோவான் 1:9)
விண்ணப்பங்கள்.(மண்டாடி வேண்டுதல்.)
நமது சொந்தத் தேவைகளைப் பூர்த்தி செய்து தர ஆண்டவரை வேண்டுதல்.

( பிலிப்பியர் – 4: 6-7)

பரிந்துரைத்தல்-மற்றவர்களுக்காக மண்றாடுதல்.
மற்றவர்களுடைய தேவைகளைப் பூர்த்தி செய்து தரும்படி கர்த்தரை வேண்டுதல்.(1 தீமோத்தேயு 2 :1)

கர்த்தரின் சித்தம் ( எண்ணம்) எவ்வாறு நமது ஜெபத்தினைப் பாதிக்கும்

கர்த்தரின் சித்தத்தைப் (எண்ணத்தைப்) பற்றி மூன்று (வித்தியாசமான) வகைப் பிராத்தனைகள் / ஜெபங்கள் உள்ளன. கர்த்தர் முன்னதாகவே தீர்மானித்து வைத்துள்ளார்.
உதாரணம்:” கர்த்தரே, நான் இன்னொரு முறையும், மற்றொரு இடத்தில் பிறக்க விரும்புகிறேன்.
நீங்கள் எவ்வளவு பிரார்த்தனை செய்தாலும் எந்த வித மாற்றமும் ஏற்படாது. நமது ஜெபம் உண்மையில் நமக்கு நல்லதல்லவென்று கர்த்தருக்குத் தெரியும். ஆனால் அதற்காக நாம் இடைவிடாது தொடர்ந்து ஜெபித்தாலும், கர்த்தர், உண்மையில் நம்மிடம் என்ன சொல்ல விரும்புகிறாரோ அதை நாம் கேட்காததாலும்,இதன் பின்விளைவுகளிலிருந்து நாம் கற்றுக் கொள்வோம் என்ற நம்பிக்கையோடு அவர் இறுதியில் ‘சரி’ எனக் கூறுகிறார்.
உதாரணமாக, ஒரு சிறு குழந்தை தனது பெற்றோரிடம் வந்து,ஒரு கோப்பைத் தண்ணீரை மேசையில் கொண்டு செல்ல விரும்புகிறது.அந்த மேசை உயரத்தில் இருப்பது பெற்றோருக்கு தெரியும்,எனவே அந்தக் குழந்தையிடம் அந்தக் கோப்பையைத் தம்மோடு சேர்ந்து கொண்டு செல்லப் பரிநதுரைத்தனர்.ஆனால்,அந்தக் குழந்தையோ பிடிவாதமாக இருந்தது."இல்லை நான் செய்கிறேன்."!.இறுதியாகப் பெற்றோர்கள் ஒப்புக் கொண்டனர். ஆனால்,அவர்கள் எதிர்பார்த்தது போலவே,குழந்தை கோப்பையைக் கைவிட்டது. பெற்றோர் குழந்தையை ஆறுதல் படுத்தி,காய்ந்த துணியைக் கொடுத்துத் தண்ணீரைத் துடைப்பிக்கின்றார்கள். மீண்டும், குழந்தையை அவர்கள் கோப்பையைத் தம்மோடு சேர்ந்து எடுத்துச் செல்லுமாறு சொல்லுகின்றனர்.இப்போது குழந்தை ஒப்புக் கொண்டது. இதனால் அனைவரும் மகிழ்ச்சி கொள்கின்றனர்.
நீங்கள் ஜெபிப்பது உண்மையிலே நல்லது தானா?நீங்கள் சரியான நோக்கங்களுடன் ஜெபிக்கின்றீர்களா?
இதன் விளைவுகளுக்கான பொறுப்பை நீங்களே ஏற்க வேண்டும். நாம் கர்த்தரின் சித்தம் அல்லது எண்ணத்தின் படியே ஜெபம் பண்ணுகின்றோம்.
கர்த்தர் இதனைச் செய்வார்! கர்த்தரின் சித்தத்தினைப் பற்றி மேலும் தெரிந்து கொண்டு அதற்காக ஜெபிக்கவும். (1 யோவான் 5:14)

போக்குவரத்து விளக்குகள்:எங்களுடைய ஜெபத்திற்கு கர்த்தர் அளித்த பதிலின் படம்.

"ஆம்" பச்சை விளக்கு. கர்த்தர், உங்கள் வேண்டுதலை ஏற்றுக் கொண்டு,அதனைத் தருகின்றார்.
"இல்லை" சிவப்பு விளக்கு: கர்த்தர் உங்கள் வேண்டுதலை ஏற்கவில்லை. அவர் வேறு ஓர் அபிப்பிராயம் கொண்டுள்ளார்.
"காத்திருக்கவும்" மஞ்சள் விளக்கு கர்த்தர் உமது ஜெபத்திற்கு இன்னும் செவிமடக்கவில்லை. ஆகவே, நீங்கள் பொறுமையாக இருக்க வேண்டும்.

கர்த்தர் சொல்லுதலைக் கேட்பது.

நாம் கர்த்தரிடம் பேசுவது போலவே,அவரும் நம்மிடம் பேச விரும்புகின்றார்.நாம் அவருடன் அதிக நேரம் செலவழிக்கும்போது,அவரின் குரல் நமக்கு நன்கு பரிச்சியமாகிவிடும்.இதற்கான நான்கு முக்கிய கொள்கைகள் உள்ளன. கர்த்தருக்கு முன்பாக அமர்ந்திருத்தல்: நீங்கள்,உங்கள் மன எண்ணங்களை வேறொரு வழிக்கும் திசை திருப்பமுடியாத ஒர் இடத்தினைத் தெரிந்தெடுத்து, அங்கே உங்கள் எண்ணங்களை ஒருமுகப்படுத்தி எடுப்பதற்கு நேரம் இருக்கிறது.எல்லா விடயங்களும், உங்களின் மூளையினாலே செயல்படுகிறது.இவை எல்லாவற்றையும் கர்த்தரிடம் விட்டுவிடுங்கள்.அல்லது இதனைக் குறிப்பு எடுத்துக் கொண்டு,நீங்கள் கர்த்தர் மேல் கவனம் செலுத்தலாம். பார்த்தல்: கர்த்தர் அரிதாகவே கேட்கக்கூடிய குரலில் பேசுகிறார்,எனவே, நீங்கள் முக்கியமாக உங்கள் காதுகளில் கவனம் செலுத்த வேண்டியதில்லை.அதற்குப் பதிலாக கர்த்தர் நமது கற்பனையைப் பயன்படுத்த விரும்புகின்றார்,மேலும் அடிக்கடி நமது "மனக்கண்" முன் விடயங்களை நமக்குக் காட்டுகிறார். தன்னிச்சையான எண்ணங்கள்: நாம் பரிசுத்த ஆவியானவரைப் பெற்றபோது,கர்த்தர் நம் எண்ணங்களைப் பாதிக்கிறார்.நாம் எவ்வளவு அதிகமாக அவருக்கு இடம் கொடுக்கின்றோமோ,அவ்வளவுக்கு அதிகமாக அவர் நம் எண்ணங்களை வடிவமைப்பார்.கர்த்தர் பெரும்பாலும் உரத்த கட்டளைகளுடன் பேசுவதில்லை,மாறாக,கர்த்தர் நம் மனதில் வரும் எண்ணங்களின் மூலம் மென்மையாகப் பேசுவார். எழுதுதல்: கர்த்தரோடு செய்யும் உரையாடலை எழுதுவது உதவியாக இருக்கும்,அவரிடம் நம்முடைய கேள்விகளும்,பதில்களாக நாம் பெற்ற எண்ணங்களும் அடங்கும்.ஒவ்வொரு எண்ணங்களையும் மெல்ல வேண்டாம்,இவை கர்த்தரிடமிருந்து வந்தனவா அல்லது இல்லையா எனப் பிரித்தெடுக்காமல் எல்லாவற்றையும் எழுதுங்கள்.சில சந்தர்ப்பங்களில்,உங்களுக்கு நிட்சயமில்லாதவற்றை பின்னர் நீங்கள் மேலும் சரிபார்க்கலாம். (ஒப்பிடுக ஆபாகூக் 2:1-2)

மேலதிக குறிப்புக்கள்.

  • நாம் வேறொரு நபருடன் பேசுவதைப் போலவே கர்த்தரோடும் பேசலாம்.நாம் நமது இதயத்திலிருந்து சொல்வதை கர்த்தர் கேட்கின்றார்.குறிப்பாக,நாம் மற்றவர்களுடன் ஒன்றாக இருந்து ஜெபிக்கும்போது "சத்தமாக ஜெபிப்பது" நல்லது,இதனால் அது கர்த்தரோடு அனைவரும் சேர்ந்து நடத்திய உரையாடலாக மாறும்.
  • சில நேரங்களில் நாம் ஜெபத்தில் விடாமுயற்சி தேவை:பின்னர்"இயேசு கிறிஸ்து இவைகளைத் தம்முடைய சீடர்களிடத்து உவமைகளோடு சொன்னது மட்டுமன்றி ஜெபத்தைக் கைவிடாது எப்பொழுதும் ஜெபிக்க வேண்டுமென்றார்.(லூக்கா 18.1)
  • நாம் எந்த நேரத்திலும்,எந்த இடத்திலும் ஜெபிக்க முடியும்.
  • நாம் இயேசு கிறிஸ்துவின் பெயரால் ஜெபிக்கின்றோம்.(யோவான்14:13)கர்த்தர் தனது கணக்கில் செயல்பட உங்களுக்கு அதிகாரம் அளிக்கின்றார். இயேசு கிறிஸ்து ஜெபித்ததையே நாமும் ஜெபிக்க வேண்டும். பின்னர் நாமும் "அவரின் சித்தத்தின்படி"ஜெபித்தால்,அவர் நமக்கு பதிலளிப்பார்."இயேசு கிறிஸ்துவின் பெயரால்"என்பது முக்கியமானது,இது ஒரு மாய ஜாலச் சூத்திரமல்ல,இதன் மூலம் ஒரு ஜெபம் தானாகவே அதிக சக்தி வாய்ந்ததாக மாறும்.
  • ஜெபத்தில் நாம் பயன்படுத்தக்கூடிய அதிகாரத்தை கர்த்தர், நமக்கு இயேசு கிறிஸ்து மூலமாக அளித்துள்ளார். அதாவது, நாம் விஷயங்களை அறிவிக்க முடியும் (உதாரணமாக,ஆசீர்வாதங்களைப் பேசுவது, பாவத்தை நிராகரிப்பது அல்லது எதிர்மறையான ஆன்மீக பரம்பரை கைவிடுவது). நாம்,நோய் அல்லது பேய்கள் வெளியேறும்படி கட்டளையிடலாம் (லூக்கா 9: 1-2).

விண்ணப்பம்

ஆறு வகையான ஜெபங்களில் எதனை நீஙகள் (பாராட்டுதல், நன்றி கூறுதல், புலம்பல், பாவங்களை ஒப்புக்கொள்வது, கோரிக்கைகள், பரிந்துரைகள்) உங்கள் பிரார்த்தனை வாழ்க்கையில் மேலும் ஒருங்கிணைக்க விரும்புகிறீர்கள்?

எந்த கேள்விகளை நீங்கள் கர்த்தரிடம் கேட்க விரும்புகிறீர்கள்? எங்கே, எப்போது ஒரு நல்ல நேரம்?

எனது குறிக்கோள்கள்